١٠ فوائد لممارسة الجنس

معظم الناس فاكرة إن الجنس غريزة أساسية زى الأكل والشرب، وملهاش أى فوايد. لكن الحقيقه إن العلاقات الجنسية لها 10 فوائد مثبتة علميا.

١- رياضة

العلاقه الجنسية بتزود عدد ضربات القلب، وبتشمل عضلات كتير. فتعتبر رياضة زى الجرى لأنها بتستهلك 5 كالورى فى الدقيقة. والخبراء بـ ينصحوا إن الجنس يتم التخطيط له خلال الحياة اليومية بشكل منتظم زى المشى، والفرجة على التلفزيون.

٢- بيقلل ضغط الدم

دراسات كتير أثبتت إن ممارسة الجنس بيقلل ضغط الدم. واكتشفوا ده عن طريق قياس ضغط الدم على مدار اليوم وقبل العلاقة وبعدها. بس اللى أكدوا عليه إن العلاقة نفسها هى اللى بتقلل الضغط مش أى نشاط جنسى زى العادة السرية.

 

٣- المناعة

بيحسن من مناعة الجسم ضد أنواع كتير من العدوى حتى البرد العادى. وفيه دراسة قارنت بين مجموعة لهم علاقات جنسية، ومجموعة ملهاش، واكتشفوا إن المجموعة الأولى اتعرضت للمرض أقل خلال مدة البحث.

٤- الأزمات القلبية

"الحياة الجنسية الجيدة مؤشر لصحة القلب"، مقولة معروفة، لكن فيه دراسة بين الرجال أثبتت إن الرجال اللى بيمارسوا الجنس بشكل منتظم (على الأقل مرتين فى الأسبوع) نسبة تعرضهم لأزمات قلبية أقل من اللى مش بيمارسوا الجنس بشكل منتظم.

٥- تسكين الألم

النشوة خلال العلاقة الجنسية تعتبر مسكن للآلم. وفيه دراسة أثبتت إن الإثارة بس من غير ممارسة، ممكن تنجح كمسكن. لكن ده للستات بس مش الرجاله. وخاصة الآلم أسفل الضهر، والرجل، والصداع.

٦- السلس البولى

تلت الستات تقريبا فى مرحلة عمرية بـ يتعرضوا لأعراض السلس البولى، وممارسة الجنس بالنسبة لهم تعتبر حماية من الأعراض دى. لأن أثناء النشوة عضلات الحوض بتنقبض جدا، ومع تكرار الانقباضات العضلات بتقوى، وبتساعد فى منع أعراض السلس البولى، وبتساعد التحكم فى المثانة.

٧- سرطان البروستاتا

سرطان البروستاتا مرض بـ يصيب نسبة كبيرة من الرجال بعد سن الخمسين. فيه دراسة أثبتت إن الرجال اللى بيمارسوا الجنس بشكل منتظم (على الأقل 21 مرة فى الشهر)، بيكونوا أقل عرضة لسرطان البروستات فيما بعد. وأكدت إن العادة السرية لها نفس التأثير، مش شرط العلاقة نفسها.

٨- زيادة القدرة الجنسية

خصوصا للستات، ممارسة الجنس بشكل مستمر أثبتت إنها بتحسن العملية بشكل كبير. تحسين سريان الدم فى منطقة الحوض، وليونة العضلات، والمفاصل بيزود من قدرتهم على ممارسة الجنس أكتر، على عكس المشاع.

٩- النوم

النشوة بعد العلاقة الجنسية بتشمل زيادة إفراز هرمون البرولاكتين، المسبب للراحة والنوم. فطبيعى إن بعد الممارسة الشخص ينام بسرعة ويشعر بنوم عميق.

١٠- الضغط العصبى

زيادة هرمون السعادة ونشاط بعض المستقبلات الكيميائية فى خلايا المخ بعد ممارسة الجنس، والشعور بالنشوة، بيخفف الضغط العصبى، والقلق، والتوتر. وبيزود الإحساس بالسعادة والإعجاب بالنفس.